連詩雅（Shiga）昨日出席品牌活動，她透露對世界盃首日賽果感到意外：「我知荷蘭贏5比1，但我支持西班牙，估唔到會輸！」

連詩雅希望能落酒吧欣賞世界盃賽事，與眾同樂。

Shiga又表示勾起傷心往事：「細個一家三口一齊住嗰時，世界盃係一個節目，我哋會拎榻榻米出廳睇，依家得番我同媽咪住，一到世界盃就會回憶番，就到父親節都有少少傷感！」

另外，她亦不忘奉勸大家不要非法賭波：「我唔識買，但好多朋友都有合法賭波，我都叫佢哋千祈唔好買外圍！」她希望到酒吧睇波，感受熱鬧氣氛：「呢兩晚都冇睇到，希望今屆至少睇到一場！」