昨日黃心穎出席在東港城的世界盃及劇集《西遊記》宣傳活動，自認是西班牙迷的她現時轉軚：「好失望呀！依家覺得荷蘭幾好，好有拚勁！而英格蘭對意大利，我估英格蘭贏二比一！（賭波？）唔會，一來唔識，二來驚買邊隊就累嗰隊輸！」她又表示並非場場波都追：「每晚揀一場啦！慣咗捱夜，遲啲仲要開劇《華麗轉身》，不過OK嘅，當睇波係工作一部分！ 」活動上，穿上高踭鞋的她玩用網接波遊戲，依然身手靈活！而同場的許亦妮（Whitney）及葉翠翠表示甚少捱夜睇波，Whitney更自嘲年紀大易殘唔捱得，揚言怕雜的她亦稱不會蒲酒吧！

穿上高踭鞋的黃心穎成功接波，身手相當敏捷。

許亦妮表示甚少捱夜睇波。