歌手杜德偉（Alex）與王馨平（Linda）前晚為名媛趙式和有份籌辦的慈善晚宴擔任表演嘉賓，當二人合照時，杜德偉趷高腳配合王馨平身高，更叮囑記者不要影腳，場面搞笑！與太太到場的Alex更表示擔心他日有兒女會變成怪獸家長：「我怕我會，諗起都緊張！」又指生仔要保持健康，因為要有好的體魄對付小朋友的反叛期：「老友鍾鎮濤同張學友成日講仔女經，我聽唔少，有好多嘢要學習！」並表示忙演唱會不敢努力造人：「我同老婆好嚴肅咁開過會，係生就要快，但又好享受二人世界，演唱會之後先再計劃。」

王馨平太高，杜德偉惟有「就位」合照。

杜德偉（左）拉起哥哥杜德智的上衣騷肌。

而Linda為今次演出落重本搵朋友做衫及編曲做音樂，提到好友黎瑞恩承認離婚，她表示二人未能見面，但有微信，更透露小恩仔心情不俗。問到是否與小朋友到外國讀書，Linda說：「唔係依家，可能兩、三年後嘅事，佢最着緊都係小朋友。」