任達華（華哥）昨日出席白石燒烤開幕時透露已提早慶祝父親節，於當晚與家人共進晚餐，而華哥的女兒準備了三份禮物給他，華哥冧爆笑說：「佢畫咗幅畫，整咗副3D眼鏡同3D嘅巴黎鐵塔送畀我！」並笑指最Sweet是囡囡教他製作3D眼鏡的半個小時，看來父女關係甜蜜的華哥，早已成為最幸福的爸爸！

任達華冧爆表示女兒送了三份禮物給他。

王敏德不介意女兒帶同另一半與他慶祝。

而另一位父親王敏德前晚出席品酒活動時透露，父親節可能與小朋友打高爾夫球慶祝，又不介意女兒帶同另一半與他慶祝：「我唔介意，怕佢哋悶，父親節唔想阻佢哋。我冇所謂，見多啲會了解啲。（見過大女王曼喜嘅同性伴侶幾多次﹖）三次，都OK。（叫個女帶埋佢慶祝？）可以，如果佢想邀請朋友，我都開心。」