名模陳嘉容（Eunis）早前與一大班女性朋友合共廿四人、足兩圍枱的陣容到雲南西雙版納旅行，她表示選這個地方是因為當地風光如畫，一直想去見識一下：「今次去完都覺得嗰度嘅景色好靚，一生人要去一次。當地有好多大象，一落機已經見到機場有好多大象雕塑。喺街度又會見到好多傣族人，啲女仔着住傳統民族服喺街度行嚟行去，好靚、好繽紛。原來當地靚嘅標準同我哋好唔同，啲女仔要腳粗，Pat大同埋曬到深古銅色先係靚。」那擁有白皙肌膚和修長美腿的Eunis在當地豈非變成醜女？

陳嘉容到雲南旅行，一身打扮甚有民族風味。

陳嘉容四圍觀光，Chok甫影相！

村民推介美食，包括蟲蟲一碟，難怪陳嘉容啃唔落！

嫁百蕉樹男入豪門

至於當地有錢人的定義是要擁有100棵香蕉樹，Eunis說：「如果個女仔嫁咗畀個有100棵香蕉樹嘅男人，佢下半生就可以衣食無憂。」當地的菜式主要是雲南菜，有次村民極力推介她們食蟲，Eunis說：「我同啲朋友都唔敢食，得一個敢食，佢話食落嘅感覺好似食緊炸薯條，仲食唔停口。」