近日打開社交網站見好多人都上載一樽樽五顏六色的生果水，其實是歐洲興起的一種集減肥、美容及排毒於一身的自製排毒水（Detox Water），熱爆全香港，連靚女陳嘉桓都加入排毒行列。

陳嘉桓排毒有法，難怪又靚又健康！

陳嘉桓上載不同的排毒水配搭及製作方法，包括青瓜配檸檬及士多啤梨配奇異果等。

不少明星因為工作需要，要長期化妝，加上睡眠不足，令皮膚質素愈來愈差，要Keep得住個靚樣，同時又可以減到肥，排毒水應該是個不錯的選擇。陳嘉桓一向都好注重健康，見她兩個月前已經開始飲排毒水，每次都有不同組合，更大讚排毒水有祛痘功效，令皮膚更好，望落更有光澤，見她在Instagram上載了不同的排毒水配搭，有青瓜配檸檬、士多啤梨配奇異果等，而生果含的水溶性纖維可以溶於水中，令身體更易吸收。陳嘉桓教大家製作方法，做法非常簡單，先將生果去皮切粒，然後加水放入雪櫃8小時即可，既方便又快捷，減肥美容一流！