校長譚詠麟與李克勤前晚到無綫出席世界盃活動，二人稍後將赴巴西講波，但異口同聲表示不會帶兒子同行，阿倫又指兒子已透過視像電話送飛吻預祝父親節，令他冧到爆。

阿倫（右起）與嘟姐及克勤合照，而當嘟姐受訪時，他在身後搞搞震，大唔透。

嘟姐受訪時，阿倫在身後搞搞震。

甄澤權表示支持阿根廷隊。

鄭俊弘與蔡思貝合照冇尷尬。

無綫《2014 FIFA巴西世界盃開幕森巴嘉年華》前晚舉行，譚詠麟（阿倫）、李克勤、鄭裕玲、「世界盃大使」陳凱琳、蔡思貝、朱千雪及魔術師甄澤a權等出席，而32位《低俗講波團》「世波女」中，Mars、Angelina及小車谷胸博搶鏡。

稍後將到巴西睇波的「麟李」均表示冇預兒子同行，阿倫說：「佢鍾意籃球多啲，足球就唔夠我勁。（父親節點慶祝？）講視像電話，飛晒吻好冧。」他又否認為兒子準備創業基金：「佢話叻過我，唔使用我啲錢。」而克勤「朗尼上身」硬撐英格蘭，但笑言今年要早點穿英格蘭球衣，因愛隊被編入死亡之組，又坦言為世盃減少工作，今年只主持首場及尾場賽事，可相約朋友睇波，並說：「囝囝受我影響鍾意朗尼，球星佢哋仲熟過我。」

甄澤權度新魔術

同場的緋聞男女鄭俊弘與蔡思貝大方合照，蔡思貝對緋聞說：「蝕底晒！」鄭俊弘則說：「我哋係好朋友，可能一齊拍劇同廣告傳緋聞，佢下套劇同另一個，我哋緣盡！（姜麗文呷醋？）個個都好朋友，冇醋好呷！」而甄澤權表示將開新魔術節目，近期積極行街取靈感，預告會有逾百個新魔術及新形象示人。另外，節目截至昨晨２時平均收視7.7，逾50萬觀眾捧場。