天后容祖兒下周一生日，昨日她返灣仔英皇公司補拍謝霆鋒主持的飲食節目《十二道鋒味》，獲老闆楊受成博士、霆鋒、經理人霍汶希（Mani）及同事舉行神秘生日派對，眾人大唱生日歌及送蛋糕，令祖兒感動得眼濕濕，她更獲老友霆鋒肉緊箍頸送吻，成功奪「Chok吻」後笑到見牙唔見眼！楊生、霆鋒和祖兒戴上生日帽合照，祖兒亦火速上載「生日相」，Mani說：「15同16日都唔使佢開工，佢好開心！其實每位藝人生日時如果喺香港，都會返公司一齊慶祝，唔知祖兒係咪睇到報紙，當佢推門時已經唱定生日歌。」

祖兒返公司賀牛一，更被霆鋒啜面珠，So High！

謝霆鋒、容祖兒