藝人譚凱琪（Zoie）最近獲邀擔任美容代言人，早前更親身體驗面部及背部護理：「自問背部天生唔算靚同滑溜，成日都覺得乾，但依家好有信心，已經買咗好多露背同露腰嘅衫，準備多啲着出嚟展示成果！其實拍廣告嗰陣都有露腰同着貼身衫，我為咗有好效果，全日都冇食嘢，怕有胃腩走出嚟。不過廣告商預備咗雞湯畀我飲，全日就靠呢壺愛心湯嚟充飢，帶嚟好多正能量，令我狀態十足，好滿意相中嘅自己！」
譚凱琪積極Keep Fit，以最佳狀態上陣拍廣告。
