將於下月在紅館舉行演唱會的張智霖（Chilam）日前接受《娛樂onShow》訪問，向主持Angela透露已練好腹肌，笑稱肌肉勁到想爆衫而出！其個唱以《Crazy Hours》為名，問到可曾做瘋狂事？他即自爆曾為初戀女友遠赴澳洲！

「美魔男」Chilam Chok爆擺甫士，唔騷肌都電死人！

即將舉行個唱的Chilam，笑言一身肌肉要爆鈕而出！

Chilam接受《娛樂onShow》訪問，分享操肌成果。

出名風趣的Chilam，氹得主持Angela笑到見牙唔見眼！

圈中「美魔男」張智霖最近積極準備下月舉行的紅館個唱，日前應邀接受《娛樂onShow》主持Angela訪問及分享操肌成果，問到其腹肌是否練到「超標」？他即謙稱只是「達標」：「達標其實係一件麻煩事，未用時已經達標，你之後要一路維持喺嗰個水平，仲慘過你要谷嗰時！」Angela追問是否已練成人魚線？他即充滿自信地表示已準備就緒：「隨時上得台畀人睇，你見唔見到（件衫）爆晒鈕？已經Feel到啲肌肉想爆！」

難忘初戀往事

提到是次個唱主題是《Crazy Hours》，習慣循序漸進的Chilam自言不愛驚喜，但亦曾為愛瘋狂：「細個嗰陣去澳洲讀書，第一日同爸爸、繼母去咗悉尼。嗰時人生路不熟，點知第二日就已經自己坐旅遊巴士，坐咗一個鐘去墨爾本！嗰時嘅初戀女友喺嗰度讀書，我想見吓佢，都估唔到自己會咁大膽！」不過，一心要見初戀女友的Chilam到達墨爾本後卻遍尋不獲，想知Chilam最後跟初戀女友發生甚麼事？請密切留意《娛樂onShow》！