夏天剛至，無綫主播李漫芬（Fanny）即急不及待與陽光玩遊戲，撇低圈外男友Ernest出海大晒比堅尼，今日生日的她更預告未有男友陪慶生，要在工作中度過。

夏天為大地帶來美腿，Fanny更急住出海晒比堅尼。

生日需要工作的Fanny趁空檔遊船河玩Wakeboard，相當盡興！

「男友」Ernest忙於內地工作，只能補祝Fanny生日。

Fanny（右二）曾參加阮兆祥主持的《搵個好男人》，成功配對！

剛食完五月糉，Fanny已進行下水禮，上星期日與一班圈外朋友到西貢遊船河。不過，早前在節目《搵個好男人》中與Fanny成功配對的「男友」Ernest沒有同行。講到撇低男友出海，Fanny說：「我哋仲係了解中，我都未係人哋女朋友！」不過，Fanny亦解釋沒有刻意撇甩對方去玩，只是因為Ernest是生意人，他剛北上內地工作，故未能一齊遊船河。

生日冇得慶祝

此外，今日是Fanny的生辰，但她卻要為電影開工，第二天才可與母親飛到泰國旅行慶生，Fanny說：「自從爸爸離世後，每年生日都會帶媽咪去旅行玩吓，今年機票係哥哥出錢，當係禮物啦！」問到會否期望來年生日有男朋友同行時，Fanny恨到出面地說：「超期望啦，希望出年有男朋友，可以三人行去玩！」並笑言不止母親有八卦緋聞，就連姨媽姑姐亦追問與Ernest配對的真偽，令她啼笑皆非。

講到Ernest知否她生日，Fanny承認已收到對方邀約：「佢知道，仲約定我等佢返香港，會請我食飯囉！」提及生日願望是否蜜運成功，她即開心地說：「希望各方面都更上一層樓啦，目標係可以置業，希望送一個安樂窩畀媽咪，呢樣係我最想做到嘅事！」