馬來西亞情歌王子張智成不經不覺已出道15年，與香港闊別5年的他決定再次來港開演唱會。身為音樂人的張智成自爆是「咪霸」，演唱會最好只有自己唱足全程：「我自己唱晒都冇所謂，因為我好鍾意唱歌！（請嘉賓？）唔會刻意去請，想請自己Close啲嘅朋友，譬如我視張學友為偶像，但因為少連繫又唔太認識對方，搞到少咗火花！」

張智成自言日日唱歌，隨時Ready開騷。

將於8月舉行演唱會的張智成，未有實質計劃，當身邊朋友問他有何準備時，他坦言隨時Ready：「我日日都唱歌，我唱到會幻想自己喺舞台上面，所以我唔會緊張，我隨時拎起支咪就可以Sing my life out！」