現年45歲的堪輿學家李丞責樣子十年如一日，他自爆不老「童顏」不靠後天加工：「可能同飲食習慣有關係，廿年前爸爸教落，每日飲人參水，又飲一種入面成分有靈芝嘅涼茶，同埋朝早食齋，可能有少少作用！我塊面冇打過針，五官仲郁得，仲可以郁得好勁！」

李丞責欣賞老婆劉倩婷性格率真，從她身上學到不少西方知識。

外表拍得住港姐老婆劉倩婷的李丞責，回想二人撻着的經過：「嗰陣我哋一齊拍玄學節目，本來諗住一個女仔由英國留學返嚟，對中國傳統冇咩興趣。好記得佢指住孫中山個墓問我係咩嚟，當時我諗究竟用幾多時間解釋佢先明，後來發現佢有心了解中國文化，好欣賞佢性格率真，兩個人相處落，覺得自己學多咗英文同西洋嘢！」