藝人洪永城與許廷鏗昨日現身尖沙咀一個美容活動，問到會否因捱夜睇世界盃而令皮膚變差？許廷鏗自爆為睇波唔錫身：「到時睇完先算啦！四年一次咁難得！（捱夜睇揭幕禮？）今晚一路開工一路睇！」而忙於拍攝無綫新劇《天眼》的洪永城則表示凌晨收工會準時睇波：「我成日凌晨先收工，時間啱啱好！預咗通宵唔瞓！」談到世界盃決賽，他笑言因球技太差而冇份去：「可能我之前喺足球節目中晒過球技，之後畀人嫌棄踢得水皮！」問到睇好哪隊奪盃？自稱C朗Fans的許廷鏗力撐葡萄牙，而洪永城則支持巴西：「巴西球員會表演『插花』同森巴，本身已經好睇！（送護膚品畀睇波嘅朋友？）送畀同事。（黃翠如？）送畀拍緊劇嘅鄭嘉穎同陳展鵬。」

洪永城與許廷鏗都熱愛睇世界盃，當然不會錯過精彩賽事！