人稱「歌神」陳奕迅剛完成由杜琪峯執導的電影，自言「邏輯與思路」大躍進的他，大爆與湯唯於戲內有大膽「激情戲」，並叫大家拭目以待！

剛拍完杜Sir電影的Eason與湯唯有大膽「激情戲」，令人非常期待！

戴上黑超的Eason在台上開心跳舞，與一班粉絲互動。

陳奕迅（Eason）昨日在露天廣場舉行簽唱會，又熱又焗的天氣令他大呻：「唉！可唔可以唔好咁熱呀？」大會又安排歌迷在Eason的肖像上畫畫，他即抵死笑說：「你哋又想將我Key去邊呀？唔好亂咁Key呀！」

發哥鼓勵

Eason透露剛拍完杜琪峯的電影，與周潤發、湯唯及張艾嘉同戲，他表示拍完杜Sir的電影後，整個人的思路及邏輯都有改善，就連講說話都比以前乾淨利落！不過，他認為拍戲比做巡迴演唱會更辛苦：「之前病咗，要返香港吊鹽水，抖咗一個星期，體會到演員同歌手嘅分別，依家可以真正叫做演員！」

問到發哥有否讚他好戲時，他說：「佢冇讚，但佢嘅說話好鼓勵到我！」問到與湯唯可有激情戲時，他笑說：「好激！不過唔係肉體上激，我哋嘅檔次冇咁低！」

另外，Eason透露老婆徐濠縈到台灣參加跑步活動，問到會否與老婆一齊跑，他即時Say No：「我唔會跑，嗰次陪佢係有目的，我鍾意打網球同羽毛球多啲，我唔係減肥，係Keep Fit咋！」