英皇藝人洪卓立（Ken）前晚與女友湯怡「拍拖」現身尖沙咀，觀看舞台劇《快樂勿語》特別場。問他是否想挑戰舞台劇？阿Ken大爆今年會初踏台板：「有少少客串，喺年底，跟住都有上堂，譬如今日嚟偷吓師，都驚嘅，因為舞台劇係一個對演技同臨場反應嘅考驗嚟。要好Focus喺呢兩三個鐘頭，仲要唱歌，所以慢慢學嘢囉。」

Ken與女友湯怡「拍拖」看舞台劇，非常Sweet。

談到早前張敬軒於舞台劇的半裸演出？他笑言不會挑戰對方：「我冇佢咁嘅材料！嗰個肚腩邊見得人呀！（操緊肌？）有排啦！我覺得第一步都未行，唔好諗大師級嘅嘢先。」