影壇新貴顏卓靈和歌手許廷鏗（Alfred）昨日一同出席電台活動，最近被影到與「男友」返家過夜的顏卓靈否認拍拖：「我同屋企人住，嗰個係朋友，冇過夜，只係食個早餐，仲有好多朋友一齊。」

顏卓靈否認男友人上門過夜。

Alfred專注音樂，無暇談情。

Alfred則代鄭俊弘（Fred）和王嘉儀否認緋聞：「以我所知係朋友，嘉儀同我係同屆『巨聲幫』，佢不時同人合唱放上網，可能邀請Fred合作啫！（又唔邀請你？）有呀，之前我哋合唱過。」講到他是「巨聲幫」中較少緋聞一個，他笑說：「呢排我醉心音樂，冇時間談兒女私情。」