嘩！阿Bob「偷食」斷正，仲被老婆踢爆，今次跪玻璃都收唔到科啦！原來阿Bob與兩個寶貝女同床共枕，只不過Bob嫂貪玩，將老公攬「女」一事搞笑化，認真幽默！

林盛斌（阿Bob）家有嬌妻，又有兩個可愛囡囡，而老婆腹中更有一位未出世的千金，活在女人堆中的阿Bob更不時在微博分享家中趣事，大晒囡囡萌照！今次由Bob嫂大爆老公的攬「女」照，似是不省人事的阿Bob，半裸上身露出白滑心口，在床上左擁右抱兩位千金。而捕捉到此情此景的Bob嫂則搞Gag稱愛女為「小三小四」：「呢個老公，一朝早就攬女大被同眠！小三小四仲要一副V字勝利手勢，簡直人神共憤！」阿Bob見狀都玩埋一份：「呢鑊真係斷到正一正....」有網友就大讚兩位「小三」、「小四」相當上鏡，非常可愛！更有網友笑指連同未出世的千金，阿Bob更將會有「小五」，盡享「齊人之福」！