前英格蘭國腳奧雲昨日來港舉行簽名會，引來眾星朝聖，黃翠如學控球贏得奧雲一句Very Good，翠如更乘機握手，家人是曼聯粉絲的她為家人爭光，但忘記帶球衣簽名擔心被父親責怪。

家人視奧雲為偶像的黃翠如冇帶波衫，只好攞道具波拎奧雲簽名。

奧雲昨日現身宣傳，吸引大批明星朝聖。

王敏奕在控球時只博得奧雲一句「Only OK」。

為見奧雲一面，Anjaylia情願放棄假期。

黃翠如、陳嘉寶（Anjaylia）、王敏奕、「少女版張慧儀」賴慰玲及「少年版吳啟華」何廣沛等昨日化身球迷，現身前英格蘭球星奧雲（Michael Owen）於東港城舉行的簽名會，逾500名市民捧場，奧雲更即席作足球示範，並與觀眾分享部分獎牌。他又當場指導翠如及敏奕控球，頻頻失手的敏奕被奧雲評價為「Only OK」，但翠如卻被大讚「Very Good」！

翠如其後趁機拿道具足球給奧雲簽名及握手，她事後透露不少家庭成員支持曼聯，笑言此舉等同為家人爭光：「唔記得咗拎件球衣嚟，驚返去爸爸嬲，到時世界盃會同5姊妹一齊睇！（男友蕭正楠鍾意睇波？）唔知，但應該唔會一齊睇。（驚失儀？）我冇儀態可言，但要Keep住同姊妹睇呢種女人嘅浪漫，我睇好巴西贏，球員就鍾意尼馬巴西！」奧雲大讚香港粉絲熱情，他表示上次到沙田馬場觀賞賽事，當時誤以為下注不合法，寄望明年有機會來港投注賽馬。

葡萄牙當西班牙

王敏奕講起靚仔球員時，錯將球員C朗所屬的葡萄牙講為西班牙，當場瘀爆。而賴慰玲在索簽名時向奧雲單眼，更說：「奧雲係球壇其中一位表表者，好想問佢攞Facebook或者Instagram聯絡，我都鍾意碧咸，佢係足球界Icon。」此外，原定請假外遊的Anjaylia最終亦為見奧雲而留港。