影帝張家輝與劉心悠昨日到銅鑼灣出席《adidas x 足球小將》活動，身穿球衣的家輝與布景板上的阿根廷球王美斯合照，似樣得猶如「失散兄弟」，他笑言今年世界盃會支持對方：「我知網友話我哋似，我覺得唔似，但佢唔係只賣靚仔，Sell實力，呢樣同我一樣。」又笑言再穿波衫，令他勾起在電影《賭俠1999》中笠頭套扮巴西「大哨」朗拿度的回憶。自認獨孤精的家輝表示世界盃時會留在家中睇波：「細細聲睇，唔好嘈親屋企人，如果太太（關詠荷）瞓唔着就一齊睇。」

張家輝與劉心悠出席世盃活動，一展腳法。

同場的劉心悠因為唔夠瞓而面上長粒粒，但仍表示會捱通宵睇世界盃，但不會趁機到酒吧識男仔：「支持西班牙同巴西。（球星揀靚仔？）當然啦！睇吓邊個甫士靚。」