黃翠如及洪永城昨日出席活動，於無綫節目《走過足球聖地》中翠如疑似被胸襲，她澄清對方只碰到手臂：「我成個拍攝過程都未入過一球波，佢哋特登交戲，龍門撲去另一邊畀我入。佢哋本來想衝過嚟拋起我，但我瘦得滯撞跌咗，所以先攬埋一齊。」

黃翠如與洪永城老友鬼鬼，知道對方所有秘密。

對於節目收視未如理想，她否認跟公開與蕭正楠的戀情有關，認為足球題材未必適合所有觀眾口味。問到是否不再與洪永城以情侶檔演出，她笑說：「一向都唔係情侶檔，係兄弟檔、家人檔，關係比情侶更昇華。我哋幾乎知道對方所有秘密，好難有人可以取替到。（蕭正楠呷醋？）咁要問番佢先知。」

而洪永城回應翠如疑似被胸襲時笑說：「我其實係其中一個，啲同性戀足球員對我上下攻擊，總之係開心嘅，佢哋冇侵略性，係一齊慶祝，根本冇（胸襲）呢啲咁嘅事！」