早前與內地製片人汪子琦鬧緋聞的馬賽獲無綫原諒，雖降呢做娛樂主播，但她仍肯做肯捱，她昨日現身鬧市活動時揚言，不會因個人理由避開報道汪子琦。

馬賽（左）與許亦妮一同宣傳，擔任娛樂主播的馬賽明言會照報汪子琦新聞。

未獲男友求婚的沈卓盈出口術叫男友別過於淡定。

許亦妮示範踢波時相當肉緊。

馬賽、許亦妮、何傲兒及沈卓盈昨日以「世界盃大使」出席「myWorldCup」App宣傳活動。

剛擔任娛樂台主播的馬賽表示仍未習慣，幸好已由3次NG減至1次，總算有點成就感，但暫時未有空請同事食飯：「本來NG想請食飯補償，但每日都要寫稿，希望未來幾個星期後情況會有改善。」

談到曾與她傳緋聞的汪子琦近日出席公開活動，她表示沒留意：「做新聞都冇呢條片，人要向前望，過去唔想再提！（會唔會避開佢唔報？）我個職位係專業嘅。（佢話唔想再提起你？）我冇同任何人對立，不過同佢有關嘅嘢都唔想提。」

沈卓盈吊高嚟賣

何傲兒則透露父親今天生日，已親手焗曲奇餅當禮物，對於家姐何傲芝舊愛蕭正楠與女友黃翠如高調拍拖，問到有否戥家姐不值，她說：「拍拖開心就一齊，抵唔抵唔需要去衡量，係每個人處理手法，家姐都唔愁，好多朋友！」而沈卓盈被問到何時與拍拖年半的男友拉埋天窗，她笑說：「佢未求婚，但依家係開心。（係咪你Mr. Right？）唔好畀佢咁淡定，一於吊高嚟賣！」