「巨聲幫」另一成員林師傑與鄧穎芝維持了兩年半的姊弟戀早前亦告玩完，女方更嬲爆爆在網上自爆遭小三橫刀奪愛！林師傑昨日出席活動時避談小三，並否認與舊愛鄧穎芝隔空互寸：「冇寸佢，我冇咩回應。佢講咩佢嘅事，可能係晦氣說話。（唔係和平分手？）可以咁講！（又話做番朋友？）我希望可以，佢對我嚟講係重要嘅人，幫咗我好多，好感激佢！我唔想畀呢啲嘢影響大家，始終一齊咗兩年，依家集中做嘢。冇新戀情、專注事業、《愛．回家》加咗戲份、簽咗新唱片公司、會寫歌，唔諗感情事。（鄧穎芝講起彭順小三事件時，有感而發好激動？）冇聽聞，我哋好少聯絡，都過咗一段時間，依家專注工作。」

受情傷的林師傑打起精神，在台上紮紮跳，表現活躍。