近日娛樂圈紛紛報喜，Mr.主音布志綸（Alan）亦唔輸蝕，年底娶千金小姐Sally！他透露繼續積極吸金，並計劃買樓，而譚詠麟得悉後笑說：「叫佢分啲嚟！」

Alan為慳錢儲老婆本，與女友歎茶餐廳。

譚詠麟搞Gag，笑Alan做入贅女婿。

新一期《好報》集合娛樂猛料，點可以錯過！

樂隊Mr.主音Alan昨日被《好報》踢爆將於年底迎娶「玩具富豪」陳明耀的千金Sally，問到是否忙於籌備婚禮？身在馬來西亞忙於宣傳巡唱的Alan透過經理人說：「最近忙緊巡迴騷，婚禮就要交畀女友搞，真係辛苦咗佢！」雖然女友家住九龍塘三億獨立屋，身家至少十億，但Alan今次堅持獨力支付所有婚禮費用，不希望招「食軟飯」話柄，所以近幾年積極賺錢，希望以自己能力給「老婆」幸福舒適的生活。問到女友家底豐厚，拍拖結婚會否感壓力時，Alan再透過經理人說：「唔會！做好自己就得啦！」

阿倫：叫佢分啲嚟

出道六年的Mr.舉行過的Live Show不下百場，但Alan坦言初入娛樂圈時捱過一輪才出人頭地，近期巡迴演唱吸金高達七位數字，他希望可以賺到錢。提到兩人已搬入新愛巢，Alan透露新居只是租住，日後都會向置業目標進發。

另外，出道已力撐Mr.的譚詠麟（阿倫）出席活動時被問到知否Alan年底結婚，他得知後大表驚訝，並說：「十億？真定假呀？叫佢分啲嚟！」但他不忘搞Gag：「佢娶人定入贅呀？不過都替佢開心嘅！」問到會送甚麼結婚禮物，他表示未肯定真假，稍後再算，又指近日少與Alan聯絡，會等對方親自報喜。