與黃翠如一同出發到英國拍攝《走過足球聖地》的洪永城，對於翠如BB被同志球員施以「人疊人」，期間更疑被胸襲，他昨日接受電話訪問時大爆翠如事先毫不知情，又笑稱「唔需要」救對方：「冇同球員夾定，佢（翠如）唔知嘅，但成件事氣氛好開心同Enjoy！（你有咩現場反應？）驚訝！但冇恐懼！（救佢？）唔需要，佢都唔係陷入危機。」問到有否見到翠如被胸襲？他說：「一定冇！佢哋（同志球員）鍾意男人，點會咁做？（混亂中碰到？）現場唔混亂，純粹係好開心同自然反應。」
