洪永城與黃翠如拍攝完《走過足球聖地》後，近日與高海寧到港島聖士提反灣拍攝無綫新劇《天眼》的談情戲，劇情講述洪永城一身白馬王子Look加上靚跑車，Chok爆追求高海寧。高海寧與洪永城繼《單戀雙城》後再合作，問高海寧有否被對方電親？她笑說：「咁佢眼瞇瞇真係好多女仔鍾意，但係我同佢係好兄弟，完全冇Feel過唔到電，哈哈！（現實中有冇公子哥兒追？）我最憎晒命鍾意炫耀嘅人，自己會欣賞踏實嘅人，我自己都識賺錢，公子哥兒唔啱我！」

高海寧望實Chok爆的洪永城，唔過電得啖笑！

洪永城在劇中力追高海寧，兩人在鏡頭後密密對稿。

至於飾演花花公子的洪永城原來是為掩飾俠盜身份，提到奉旨Chok爆，他說：「誇張少少啦！咁先有個戲劇效果！」不過，他在劇中不是只與靚女談情說愛，還要取悅馬蹄露，認真大犧牲！他坦言今次與鄭嘉穎、楊怡及陳展鵬幾位好戲之人合作也感壓力，事前花了不少時間做準備。