41歲的孫佳君日前拖着兒子到中環行街，活潑好動的仔仔期間突然企圖掙脫媽咪要一個人行，孫佳君見狀立即開口喝停，兒子最終就範。

大仔企圖Fing甩孫佳君 「自由」行。

孫佳君在人多擠迫的地方緊拖大仔。

孫佳君復出後變得「雜食」，接拍不同類型的角色。

女星孫佳君重返娛樂圈後，簽約英皇電影藝人部繼續發展演藝事業，身為單親媽咪的她要獨力撫養兩名兒子，相當吃力。孫佳君非常愛錫兩名兒子，日前戴黑超與鴨嘴帽的她帶大仔行中環。戴眼鏡的大仔相當活潑，在人多擠迫的天橋上不時跳來跳去，孫佳君一直緊握其手不放，避免他走失。

唔係怪獸家長

期間大仔企圖用力Fing開孫佳君的手，要做「獨行俠」，並跟媽咪說：「放開我啦！」孫佳君並沒就範且喝停仔仔：「唔好再走。」其後繼續捉實他。仔仔很不情願，直到他倆行到一個較少人的地方，孫佳君才安心放手讓仔仔「自由」行，並一同步入一幢商業大廈。

記者昨日聯絡孫佳君時，她表示兩個兒子都比較好動，所以有時會勞氣一點：「因為怕佢哋有危險。我對大仔比較嚴啲，因為希望佢可以做個榜樣畀細佬睇。（怪獸家長？）我唔係，我只係想小朋友開開心心，唔會逼佢哋學呢樣嗰樣。我對佢哋嘅基本要求係要孝順。」其實孫佳君復出後，經濟上冇壓力，除代言美容產品外，又願意接拍不同類型的角色，曾拍過《雛妓》、《暴瘋語》、《重口味》和《夜同行》等，同時亦有拍攝電視劇。