張繼聰昨日與「舊愛」梁嘉琪拍攝新劇《老表，你好hea！》，現場所見兩人零交流。有傳當年阿聰老婆謝安琪是「小三」，未知阿聰是否怕老婆大人呷醋而保持距離？

與「舊愛」張繼聰（右二）同場的梁嘉琪頗為尷尬，全程零交流，而一旁的祖藍（左二）與阿Bob則做保護牆緩和氣氛。

梁嘉琪（右）只顧與粉絲合照，懶理「舊愛」張繼聰。

飾演保鏢的陳明恩雖然帶病上陣，卻無礙拍攝，專業精神可嘉！

無綫劇集《老表，你好hea！》演員王祖藍、張繼聰、梁嘉琪、林盛斌（Bob）、陳明恩和DJ路芙昨日到石硤尾拍攝外景。

阿聰與「舊愛」梁嘉琪同場，現場所見他倆即使站得很近亦沒有偈傾，而阿聰只顧與阿Bob說笑。問到是否有所避忌，他說：「唔係尷尬，都已經係好耐之前嘅事，我哋有傾偈o架！」而在旁的阿Bob則笑說：「呢個問題我哋都想問好耐！」阿聰聞言即說：「你成日都問o架啦！成日用對『雷射眼』(目及)實我哋。」他又希望劇集成為台慶劇：「呢套比上次更成熟，有信心唔同年齡嘅觀眾都會享受，絕對唔會辜負大家嘅期望！」Bob接着說：「希望呢套劇成為我一生中第一套台慶劇，大家犧牲都好大，好似萬綺雯要咀我啦！我又要咀小寶啦！如果上集係十分，呢套就有三十分！」

陳明恩帶病開工

而同場的祖藍則大打「民意牌」，亦希望劇集能成為台慶劇，他說：「好多人都想《老表》做台慶劇，我梗係想！我好有信心，夢想有40點收視，希望民意可以幫到手！」至於在劇中飾演保鏢的陳明恩則與飾演保安的路芙因爭捉賊而大打出手，被揭是隱世武林高手。現場見明恩拳拳到肉，但原來她是發住燒開工，她說：「有啲感冒，食咗啲退燒藥頂住！」而Bob則取笑有個大肚腩的路芙拍動作戲會隨時爆血管。