古天樂、周迅、劉青雲及葉璇等前晚出席《竊聽風雲3》首映禮，古仔與青雲在片中大展歌喉，青雲笑說：「就嚟做歌手添！」古仔亦笑說：「可以組男版Twins！」古仔在片中飾演殘疾人士，他笑說：「真係整斷咗隻腳，但依家又駁番！」提到被周迅搶去風采，古仔笑說：「盡咗力！我斷埋腳，佢（青雲）就電埋髮！」

《竊》片陣容鼎盛，有葉璇（左起）及周迅兩位靚女，還有型男方中信、劉青雲、林家棟、林嘉華及古天樂。

提到日前的槍擊事件，有指槍手女兒是彭順的小三李悅彤，古仔說：「嘩！戲嚟o架？」並表示未了解事件前不作回應，曾與彭順合作的青雲則表示彼此不熟。

同場的葉璇早前被拍得與內地演員霍建華雨中漫步，問到對霍建華是否有好感？她說：「有，認識咗10幾年嘅好朋友！（可以發展？）唔知，將來嘅事估唔到！」