經常到內地登台的黃榕昨日接受電話訪問時表示，試過「白做」到最後一蚊都收唔到︰「年幾前去溫州登台，但個中介人一路拖我啲酬勞，到依家都未收到。」她又稱經常要頂硬上與客戶飲酒應酬︰「佢哋飲嘅係烈酒，我飲一杯已經嘔，但有時唔飲得客戶都要我繼續飲。」而試過登台期間被胸襲的o靚模謝芷蕙（Cammi）表示，有時被摸Pat亦找不到真兇︰「因為現場人太多，唔知有心定無意，所以多數都唔會出聲，盡快表演完就離開。」

黃榕試過到內地登台卻收不到酬勞。

朱咪咪認為唱酒廊最緊要識執生。

至於擁有三十多年酒廊經驗的歌手朱咪咪及尹光，大方醒貼士予後輩，朱咪咪說：「唱酒廊最緊要識執生同捉到觀眾口味，唱佢哋鍾意嘅歌。」而尹光坦言愛唱酒廊：「因為大部分酒客都好Nice！如果有人叫你飲酒，就隨量飲少少啦！最緊要開心！」