「無綫咪神」梁政珏昨日出席活動時自爆婚訊，將與拍拖年多的「牛乳大王」男友何思源於今年結婚，有機會當馬年新娘的她更表示男友已求婚兩次，會好好享受這個甜蜜時刻。

梁政珏自爆馬年有望與男友拉埋天窗，言談間忍不住甜笑。

陳敏之（右起）﹑徐子珊與胡定欣玩遊戲時非常投入。

徐子珊希望三度缺席宣傳的黃宗澤會自動請食飯。

徐子珊、陳敏之、胡定欣、黃智賢及梁政珏等昨日出席無綫新劇《點金勝手》於油塘舉行的首播活動，缺席的男主角黃宗澤派「紙牌人」撐場，被子珊鬧爆：「今次係第三次（缺席）喇！佢走唔甩o架喇，要請劇組食飯！」其後她笑稱若劇集收視好，會徵求定欣同意將劇中與對方的咀戲搬到現場演出，以回饋各位觀眾對劇集的支持！

此外，「無綫咪神」梁政珏日前被記者拍到與「牛乳大王」男友何思源走出中環夜店後，步至昏暗小巷才偷偷拖手，對此她說：「費事咁癡纏啦！」

同秋生試愛

梁政珏直言視拍拖年多的何思源為終生對象，並透露男友曾兩度求婚：「當時都未有花同戒指，我想佢正式啲囉！如無意外會喺今年結。（婚禮籌備進度如果？）媽媽嗰邊好信命理，會搵個相士擇個好日子，但其實我唔想搞場大龍鳳（擺酒），好似做騷咁，因為一生人得一次，我都想慢慢享受呢個時刻，唔想錯過任何嘢！」她又表示本月有機會與黃秋生拍劇飾演一對戀人，希望不會影響婚期。

至於陳敏之則表示最近常做運動，更不時相約閨密外出踩單車及行山「練氣」，為錄歌做好準備。當年以「小室哲哉徒弟」身份入行的敏之自於《My盛Lady》內重拾咪高峰後，有望「東山復出」，並計劃今年內推出褔音唱片：「我係基督徒，咁啱老闆都係！」可謂一拍即合。