丹爺讚孫女精靈可愛

榮升爺爺的劉丹昨日接受電話訪問時難掩喜悅之情，他笑言正隔住玻璃看精靈可愛的孫女，問到B女似邊個？他說：「我覺得個嘴似阿威（劉愷威），老婆就話似楊冪，等多兩日收咗水先睇得清楚，但點都係一個靚女！」他昨午做代表在醫院接受大批傳媒訪問，更多次笑到見牙唔見眼，問到楊冪身體狀況，劉丹說：「生完BB梗係攰，佢最想係食嘢，好多個鐘頭冇食，但仲有啲麻醉藥，未食得嘢住。（抱得BB未？）未，我都係離遠望，望見佢覺得好精靈，佢哋推出產房時，我第一次見到BB，好感觸，心諗『呢個就係我個孫喇？』嗰刻講唔出嘢。」劉丹又爆兒子愷威剪臍帶時落淚，但並非驚血，而是感動，又指楊冪生B後會留港在男家調理身子，並已請陪月員照顧。