身兼歌手及電台DJ的葉文輝（啤梨）曾主唱《I Believe》而爆紅，近年因主力電台工作及從商，暫時放下音樂事業。不過已簽新唱片公司的啤梨，依然心繫音樂，今年更會出新唱片慰樂迷！對於新公司及出碟日期，他大賣關子說：「我等緊公司嘅安排，依家新簽咗唱片公司，不過未講得住，遲啲會正式公布！應該六月頭！」他又表示已不是新人，故希望今次有新突破：「想音樂方面有進步，好開心合作嘅都係一直好欣賞嘅音樂人，依家想唱一啲關於社會嘅嘢，唔係淨係情歌。」並自爆最近跟一位欣賞的音樂人合作，但對其身份保密，更笑稱等對方的歌等了幾個月：「要有啲好嘢出現就要耐心等待！」此外，啤梨自言愛音樂，故享受作歌的過程，並感恩可以做自己喜歡的事。

葉文輝即將出新唱片回饋歌迷。