來港發展多年的馬來西亞小姐黃淑玲（Sherine）早前趁假期返馬來西亞度假，順道慶祝母親節，Sherine返到老家後即把握機會與家人四出玩樂，除食餐勁外，又與家人到郊外睇動物，玩得相當開心。

黃淑玲帶母親到傢俬店揀傢俬。

黃淑玲趁假期返馬來西亞度假，順道慶祝母親節。

而Sherine今次的行程可謂又食又拎，因早前她與傢俬品牌合作，該品牌更趁她回馬來西亞期間送上大禮，邀請她到傢俬店免費任揀傢俬，令Sherine興奮地說︰「好開心可以同媽咪去任揀傢俬，咁啱媽咪屋企嘅傢俬都要換過啲新嘅，呢份係好好嘅禮物，我都有揀幾件帶返香港擺喺屋企。」