無綫劇集《女人俱樂部》口碑不俗，除了重出江湖的「七中女」夠煞食外，一眾少女版主角亦要青春有青春，要可愛有可愛！面對排山倒海的工作，「處女下海」的陳嘉寶、李靜儀及吳嘉熙不僅沒有怨言，更高呼拍劇夠過癮！

吳嘉熙（左起）、陳嘉寶及李靜儀高呼拍劇過癮，唔怕辛苦。

Heidi（左起）、Cheronna及Anjaylia接受《娛樂onShow》主持Look訪問，暢談拍劇趣事。

《女》劇一眾少女版主角老友鬼鬼，索性入廠當入Camp！

Anjaylia勝在氣質出眾，成功揮低對手贏得演出機會。

今集《娛樂onShow》請來《女人俱樂部》劇中三位少女版主角陳嘉寶（Anjaylia）、李靜儀（Heidi）及吳嘉熙（Cheronna）接受主持廖嘉輝（Look）訪問，大談初嘗拍劇的滋味及趣事！三人透露試鏡時要過五關斬六將，突圍而出的「少女版李若彤」Anjaylia輪廓及氣質獲外界一致讚好，她說：「都係睇住劇本靠感覺，一睇個角色就知道似自己，因為個角色成日發白日夢，好緊張班朋友，傻吓傻吓咁！被揀中係因為大家覺得我同李若彤姐姐似樣，加上談吐同語速都有啲似。」至於飾演「少女版袁潔瑩」的Cheronna則表示：「外表唔似，我嘅膚色健康啲，但配合角色嘅爽朗性格。」

獲得演出機會後，她們除了可與前輩級演員合作外，更多得毛舜筠「教路」演戲，Heidi自言獲益不淺：「毛姐教我哋睇劇本，記對白做功課，又一齊試戲同表演唔同嘅演戲方式，真係學到好多嘢！」

入廠開工當去Camp

問到拍劇過程是否很辛苦？Cheronna即大讚拍劇過癮，因經常與演員玩埋一堆，樂趣無窮：「我哋試過拍劇拍咗43個鐘，完咗外景就拍廠景，兩頭走，基本上係住喺電視城入面！我哋6個女仔瞓3張梳化床，行10秒就到化妝間。」一班姊妹齊齊留宿電視城，難怪Anjaylia笑言拍劇猶如去Camp！三人拍晒心口表示對收視有信心，更準備搞慶功宴！想知道更多精彩內容，請收看《娛樂onShow》！