於無綫劇《女人俱樂部》演年輕版吳啟華的「麥當當王子」何廣沛（Matthew），在第廿六期無綫藝員訓練班畢業後便有機會出鏡，他表示要感謝吳啟華：「係佢覺得我似佢年輕版所以推薦我，開鏡當日見到佢，佢笑住同我講記得請佢食飯。」劇中Matthew獲七位年輕女演員垂青及投懷送抱，艷福無邊！問到與誰較有默契？他說：「七個都好好，但同陳嘉寶比較熟，因為我嘅螢幕初吻獻咗畀佢同部劇。」他笑言拍接吻戲經驗有限，幸獲前輩鄭丹瑞教路：「佢教我拍咀戲點借位先拍得最靚。」

何廣沛於《女》劇周旋於多位年輕女演員之間！