藝人車車（張紫櫻）早前與兩位家姐偕母親到台北旅行慶祝母親節，更在旅程中做「人肉GPS」，她說：「我哋去到士林夜市，竟然有加拿大遊客走埋嚟問我路，真係好搞笑！我喺夜市度發現超抵買嘅鴨仔棉花糖，兌番港幣都係20蚊左右！不過畀貼士大家，啲棉花糖接觸到空氣好快就會『瘦身』！所以影完相玩完一大輪先好拆袋！」

車車早前偕媽咪到台灣旅遊慶祝母親節，十分孝順！

驚見鴨仔棉花糖的車車，二話不說就影了張合照。

車車的「台灣味」更引來星探搭訕：「我都唔肯定佢係咪呃人？佢話係電視台嘅工作人員，嚟緊有個新節目，覺得我好適合，問我有冇興趣，當時又熱我又拎住好多嘢，都冇心機聽佢講，我就話：『我不是台灣人』，佢聽完就放棄咗，乜我個樣真係咁台灣人咩？」