陳智燊以六位數字三次連任廣告代言人，揚言今年要「上車」買樓的他雖否認與緋聞女友宋熙年築愛巢，但言語間已肯定對方的正印地位，相信戀情很快浮面！

陳智燊以「都教授」造型拍廣告，大家覺得佢似唔似金秀賢呢？

Jason及宋熙年這對緋聞情侶相當合襯。

Jason（右）在不用埋位時認真地聆聽導演及工作人員的講解。

化妝師為Jason（右）打造完美「都教授」Look。

無綫藝人陳智燊（Jason）早前在柴灣工業大廈為「中原電器」拍攝平面廣告，已連續三年成為代言人的他今次為廣告轉換三個不同年代的造型，包括荷里活型男里奧勒度狄卡比奧（Leonardo DiCaprio）在電影中20年代的紳士造型、60年代樂隊披頭四（The Beatles）潮Look及人氣韓劇《來自星星的你》金秀賢教授造型。Jason表示這3個跨時代造型十分考心思，而他最喜愛20年代造型：「因為件衫嘅細節位同現代衫好唔同，不過60年代就好玩啲，因為個頭要駁髮。」

買樓靠自己

他透露三次代言費逾6位數字，問到是否已搵夠「老婆本」，他笑說：「未呀！其實都冇限定一個數。」聽聞年底樓價有機會回落的他，希望不要亂使錢並可以買樓上車！但他卻否認是與緋聞女友宋熙年築愛巢：「未必係，因為啲錢放喺銀行唔升值，希望買500至600呎單位，唔使供得咁吃力！」

與宋熙年同住將軍澳的他，當被問到會否在同區置業近水樓台時，他想了想說：「上車就未必會買將軍澳，因為要睇番回報，我以前都有諗過喺大埔、新界等地方，因為我婆婆住喺嗰度，離公司遠少少都得。（會同宋熙年分隔得好遠？）如果租出去當投資，就唔係一個擔心嘅問題。（佢有畀意見你？）佢都想買樓。（夾埋一齊買？）未必會喇！想買啲自己Handle到嘅，各自買啦！」