陳浩民因內地劇集《天天有喜》大收而添食拍續集，透露老婆再大肚的他大爆可能雙喜臨門，實行戲裏戲外都天天有喜！而近日緋聞多多的他坦言曾考慮安排仔女移民外國！

由陳浩民（Benny）、穆婷婷等主演的《天天有喜》去年大收，今年劇組決定乘勢拍續集《天天有喜之人間有愛》。前日一眾演員在橫店舉行發布會，更集體穿戲服行古裝Fashion Show。Benny在訪問中大方承認老婆佗第三胎，而同劇演員陳紫函知道後即大為驚訝，更笑問他生到第幾胎才肯停。Benny表示沒有計劃過：「我都唔知，拍《天天有喜》就真係令我天天有喜。」他又透露有可能是雙胞胎，皆因老婆肚內早有預兆：「因為老婆話感覺到心跳有啲亂，聽老人家講可能係雙胞胎嘅預兆。」至於是否好事成雙，他表示要檢查清楚才知。問到若確實是雙胞胎會否更有壓力，他說：「一個兩個都好，唔可以話有壓力，應該話係我嘅動力。」他又笑言很多人慕名來沾旺氣：「邊個想生仔就摸吓我老婆個肚，好使得！」

緋聞纏身有排解畫

早前有報道指Benny因與同劇演員食麵而傳出緋聞，他坦言會減少與女演員食飯：「因為老婆一直喺身邊，而且佢依家都大咗肚，要畀多啲時間陪佢同小朋友。」問到會否擔心在觀眾心裏留下壞印象，他說：「都冇辦法，呢個都控制唔到，盡量做好自己啦！」但他最擔心就是傳聞對子女的影響，更自爆想過安排子女移民外國：「但係我覺得有啲嘢應該面對嘅時候都係要面對，我諗都係等佢大個識諗嘅時候我再同佢解釋件事。」