陳慧琳（Kelly）、名模琦琦、Rosemary及苟芸慧等昨晚出席Dior舉行的《Maison de Parfum Exbition開幕酒會》，對於被指在內地商演價90萬元人民幣？Kelly默認說：「類似啦！要睇吓唱幾多首。（90萬係最低消費？）差唔多啦！」她表示內地人十分熱情，試過完騷後被熱情群眾抬起座駕，嚇得她半死，問到可會請保鏢？她說：「冇用，因為太多人，不過都OK嘅，佢哋唔會傷害我。（試過畀人掂到？）梗係有。（抽水？）我唔會咁諗，佢哋鍾意我先咁熱情，唔鍾意都行開啦！（試過畀人掂到重要部位？）我就唔會，但助手試過畀人揸！」記者笑指人仔容易賺，她說：「都唔易，長途跋涉，通常要Stay一晚，最重要見唔到個仔。」

Kelly表示內地的觀眾很熱情。

苟芸慧指與城城做朋友是福氣。

而同場的苟芸慧則透露剛好月事來，感到不適。問到會否送香水給郭富城？她笑說：「暫時未送過香水畀男仔。（佢送畀你？）佢真係冇送過嘢畀我，同佢拍廣告已經係最好嘅禮物，可以識到呢個人，做朋友係福氣嚟！」