廖碧兒「520」冇花收

黃美棋、廖碧兒及李亞男等昨日出席商場世界盃活動，傳與法國酒莊莊主撻着的廖碧兒，問到「520」對方有甚麼表示時，她說：「冇喎！大家係朋友，保持住朋友間嘅聯繫，等有好消息先再同大家公布啦！依家好享受單身生活。」而黃美棋在「520」於微博自爆有花收，有傳她與有線主持鍾健威撻着兩個月？黃美棋說：「我哋識咗兩個月，了解緊。（鍾健威送花？）唔知邊個送，佢都冇講係佢送，但都開心，冇諗過有花收。」她又坦言有追求者，但強調沒有男朋友，如果戀情穩定便會公開。