梁朝偉、張家輝、張學友和梁家輝四位影帝，昨日為好友上山詩鈉的火鍋店開幕禮剪綵，同場還有邱淑貞夫婦、葉童夫婦、王祖藍和李亞男等，王菲女兒竇靖童更專程從北京飛來賀契媽。張家輝和學友全程形影不離搭膊頭，張家輝說：「頭先係阿哥（學友）車我嚟！」問到二人會否合作搞生意，學友說：「唔會喇，攬住一齊死咩？我搞過但得個桔，甚至個桔都冇埋！試過同曾志偉合作買樓，點知瓜咗仲爭啲破產，都係腳踏實地好！」張家輝聞言即說：「咁嚴重呀？」他又表示將會拍攝《賭城風雲2》，有機會與周潤發合作，問到被指頂替杜汶澤？張家輝要求由學友代答，學友替他解圍說：「係都搵我頂啦！（你酬勞貴！）我平過張家輝，頂杜汶澤仲平啲。」梁朝偉則透露與張家輝、學友和梁家輝不時聚會，問到會否投資搞生意？他說：「我冇興趣，所以都冇幫太太手。」他透露早前放假去了滑雪，現正為稍後開拍的時裝片做準備。

張家輝與張智霖和學友合照時Chok爆，但被上山詩鈉搶去黑超時搞笑扮鬼臉。

邱淑貞、陳國熹、沈嘉偉

梁朝偉

上山詩鈉與女兒Hilary（左）和童童咁Friend，毫無隔膜！