樂壇天后容祖兒與男友劉浩龍（師兄）拍拖近兩年，兩人感情愈趨穩定，昨晚祖兒出席婚禮時，揚言計劃兩年後結婚，並坦承已揀定師兄為結婚對象，努力向着結婚的目標奔跑。

祖兒希望兩年後與劉浩龍拉埋天窗，向男友大派定心丸。

祖兒開到聲揀定老公，劉浩龍仲唔冧到爆咩！

楊千嬅和祖兒齊齊捧王菀之個唱場，睇到拍爛手掌！

自從「龍兒戀」曝光後，容祖兒和劉浩龍不時被拍到甜蜜拍拖，關係愈見穩定。昨晚祖兒與經理人霍汶希（Mani）現身婚禮，背心短裙Look的她襯晒Pattern，加上有愛情滋潤，更顯得明艷照人。

向來把感情事低調處理的祖兒坦承恨結婚，她笑說：「如果可以咁靚，即刻結啦！」之後她才正式表示暫時未有多想，打算多等兩年才結婚：「依家一般做呢行嘅，36歲先諗結婚生仔都好正常，結婚生仔後要投入嗰個角色，但自己目前仲有好多工作上嘅理想。」問她是否給兩年時間師兄儲錢結婚？她發表認定宣言說：「希望可以！我都唔想揀咁多。（視結婚為目標？）努力向目標奔跑！」

婚後再諗生仔

至於師兄有否向她求婚？祖兒直言未有，但大家已傾過關於結婚的話題，為未來打算：「拍得拖就乜都講，咁多時間，不過唔會落實到啲乜。（生仔後退休？）未結婚就諗生仔？係咪要搵小學？未咁快諗咁多嘢。」

另外，前晚祖兒與楊千嬅等欣賞王菀之的紅館演唱會，全程看得十分投入，期間更與全場企起身拍手。