模特兒何紫綸（Ann）出名對美容護膚有研究，早前她嘗試新療法—岩盤浴太空艙，太空艙內的高溫雷礦石可以消除疲勞，負離子則有助血液循環，她說：「瞓喺度40分鐘出一身汗，啲汗唔臭，啱晒唔做運動嘅女仔，配合埋個負離子面膜，皮膚真係好潤！」她更指做完的感覺像年輕了十年。

Ann時刻Keep住最佳狀態，幾時着比堅尼都得！

悉心護膚的Ann曾打美容針保持靚樣。

Ann敷住面膜「被困」太空艙，出一身汗有助血液循環。

保濕相當重要，難怪Ann要學習自製水分精華素。

一向對護膚品甚有要求的她跟導師學自家製護膚品，水分精華素真正做到保濕無添加：「冇防腐劑要一個月內用完，連個樽都有特別顏色，要避開太陽照射。」Ann再三強調女孩子的皮膚最重要夠水分，皮膚才會有光澤，不再暗啞。