與「力王」樊少皇拍拖兩年多的賈曉晨（JJ），最近開始與男友在北京同居，預演婚後生活，JJ更踢爆男友曾間接求婚，事業心重的她雖未有應承，但不排除閃婚的可能。

與男友感情穩定的JJ不排除旅行閃婚的可能。

JJ踢爆男友曾間接求婚，但現時事業心重的她分身乏術。

藝人賈曉晨（JJ）近年忙於在內地拍劇賺人仔，她昨日回港到電台宣傳新碟，提及男友樊少皇為新碟一首歌填詞，她大讚男友文武雙全：「佢唔只打得，仲好鍾意寫嘢同玩文字，會喺微博寫詩！」

為愛戒煙

她早前在活動上自爆與男友在北京同居，問到是否在過少奶奶生活，她說：「咁大個女都未試過畀人養，我就養屋企人！」JJ又大讚對方單純得像小朋友一樣：「佢係好簡單嘅人，好似小朋友，我唔鍾意複雜嘅人。大家都冇乜壞習慣，佢同我一齊仲戒咗煙！」

她又表示現時想做好手頭上的工作，結婚就順其自然：「我好傳統，太多嘢未做完，放低唔到！」

她又指每次拍拖都以結婚為最終目標，並承認男友曾間接向她求婚：「佢好怕醜，試過寫張卡暗示想結婚，但我話唔好搞住！（想有小朋友？）想，但分唔到身！不過做晒手頭上嘅嘢之後，可能去個旅行喺當地註冊都唔定。」