藝人吳君如以奧比斯大使身份訪越南，卻碰上當地爆發反華示威，前晚平安返港的她一臉疲態，並稱事出突然：「我之前喺山區，返到酒店先上網睇咩事，屋企人不斷問我平唔平安，連個細路（女兒陳是知）都係咁傳訊息畀我。但返到酒店停電，心諗唔知好唔好即刻返港，情緒上好攰。」

以奧比斯大使身份探訪越南的君如，已平安返抵香港。

君如又稱陳可辛及好友關詠荷的關心令她感動：「陳可辛叫我快啲返酒店，我答佢停電喎！佢話你快啲瞓，感覺到人間有情，今朝早收到關詠荷電話，佢叫我快啲返港，講到眼濕濕咁，從來未試過有咁嘅感覺，好感動！」她強調探訪工作全程安全。至於有否遇到示威場面？君如稱離開河內時感覺該區開始混亂，而她上機後發現越南旅遊警示轉紅色更頓感驚慌，幸好有驚無險。