錢嘉樂與謝安琪（Kay）昨日與翠如BB同場錄影《快樂聯盟》，兩人對「如楠戀」同表支持，Kay指雖沒有留意新聞，只了解事件發展一點點，但仍笑說：「《快》有個電話群組，大師兄（錢嘉樂）喺個Group入面有留意、關心同安慰翠如，我就冇問人哋情況係點！（支持佢哋？）如果真係拍拖都戥佢開心，但又唔聽見佢講感情事。（有冇發現佢唔開心？）又冇，佢個人好直接，乜都笑一餐，見佢都冇乜嘢，同平日一樣，總之開心就支持。」

錢嘉樂擺「如楠戀」上枱，但其實私下甚為關心翠如。

謝安琪指若然翠如有拖拍，作為拍檔亦替她開心。

而貪玩的嘉樂則擺翠如上枱，竟在鏡頭前說：「你單嘢講得嗎？」令翠如BB不知如何反應，只懂傻笑，及後被問到為何戲弄人家，嘉樂卻扮傻說：「邊有呀！我都唔知發生咩事。（佢同蕭正楠拍拖呀！）係咩？唔知喎！哈哈！為個節目開心，大家有晒默契啦！同事講笑冇所謂嘅。（兩人相襯？）冇見佢哋一齊，不能作準，最緊要開心！（翠如BB畀人話係『小三』！）叫佢唔好出去咪冇人話囉！」