歌手吳若希（Jinny）日前穿上連身裙，騷43吋長腿拍攝劇集片尾曲MV，與無綫藝人張振朗飾演情侶，他們既拖手又攬腰，怕醜妹Jinny自爆因不太熟落搞到頻頻NG，連導演都笑她動作生硬！　

穿連身裙的Jinny騷出長腿，斯文又性感！

Jinny被張振朗攬腰，怕醜到不敢正眼看對方！

Jinny自言不會Check男友電話。

無綫星夢歌手吳若希近月頻頻唱劇集主題曲及片尾曲，日前她為劇集《守業者》拍攝尾片曲《想起你》MV，導演請來張振朗擔任男主角，又要求兩人拖手及攬腰，Jinny笑說：「都幾尷尬！始終同對方唔熟，我對住唔熟嘅人會緊張，不過佢好專業，帶到我入戲。」

嫌張振朗唔夠壯

問到有否狂笑導致NG？Jinny說：「有！我都唔敢正視佢，導演都話我動作太生硬！」她又大讚張振朗有演藝天分，問到是否她杯茶？Jinny說：「唔係，我鍾意高大同健碩，佢好怕醜同斯文。」身為「女神」的她坦言有不少人追：「未有一個心動。（仲揀緊？）愛情係好講緣分，順其自然啦！」

Jinny自言不是「野蠻女友」：「唔係成日Check住對方，如果睇對方電話一定要得到佢批准。（有冇試過畀男人Check電話？）冇喎！手機都冇秘密嘅，舊時電話唔會鎖密碼，依家入咗行，怕畀人執到電話影響其他藝人先整密碼。」大頭蝦的她為免洩露圈中好友的電話，會輸入「花名」及「譯音」以作識別。