早前到紐約為新唱片錄音兼拍攝MV的胡琳，日前現身電台接受訪問。談到將推出的新唱片為全創作專輯，她透露製作過程非常順利：「由創作到錄音，十首歌都只係用咗一個月時間，然後留多兩星期拍MV，希望新碟可以七月暑假期間推出。」忙於準備新碟的同時，胡琳的個人演唱會亦定於9月舉行，一向習慣以歌會友的她被問到會否考慮有突破，例如唱快歌或性感上陣，她笑說：「快歌可以考慮，至於性感方面，我上次演唱會着過件開窿衫，結果都畀人話冇嘢睇！我諗今次要借特技假胸先得。」

胡琳出完新碟又要忙搞演唱會，想抖吓都唔得。

胡琳自嘲平平無奇？其實唔使妄自菲薄囉！