遊遍世界的旅遊節目主持梁彥宗（Chris），最近初嘗全職工作的滋味，他說：「上個月開始做電台，但唔係話有自己嘅節目。」畢業於美國普林斯頓大學（Princeton University）的他，自言沒有放棄高薪厚職：「放棄嘅大前提係本身有！我本身都冇！」他又指得到家人支持：「其實都想個仔做穩定嘅工作，但係知我坐唔定，呢一年周圍去都仲有錢畀屋企！」問到女友會否介意他經常四圍飛？他說：「Long-D都得嘅，但我冇女朋友。」

熱愛旅遊的梁彥宗冇時停，受訪時亦紮紮跳。

馮允謙（左起）、彭慧中及梁彥宗早前合作主持旅遊節目。

除了與馮允謙（Jay）及彭慧中合作拍無綫旅遊節目外，Chris又透露早前與「巨聲幫」王嘉儀自製旅遊特輯在網上熱播。問到結伴遊澳洲，是否有發展機會？他笑着否認，指彼此已是多年好友。